KD The devil (K) – மூன்று மடங்கு ஹரி திரைப்படத்தின் வேகத்துடனும் 100 மடங்கு நெல்சன் திரைப்படத்தின் ரத்தத்துடனும் ஆயிரம் மடங்கு தங்கர் பச்சான் திரைப்படத்தின் சத்தத்துடனும் ஒரு கன்னடப் படம் வந்தால் எப்படி இருக்கும்? மிரண்டு போய்விட்டேன். மேலே உள்ள ஜானரில் எதுவுமே பிடிக்காது என்றால் இந்தப் பக்கமே தலை வைத்து விடாதீர்கள். மேலே உள்ள ஜானர் பிடிக்கும் என்பவர்கள் தவற விட்டு விடாதீர்கள்.
துருவா சர்ஜா நடித்த படத்தை இப்போதுதான் முதன்முறையாகப் பார்க்கிறேன். முதலில் என்னடா இவர் என்று தோன்றியது. அவரது அதீத நடிப்பும் ஹீரோயினாக வரும் பெண்ணின் ஓவர் நடிப்பும் ஒரு கட்டத்தில் பிடித்துப் போனது. முதல் காட்சியில் இருந்து கடைசி நொடி வரை எல்லாமே ஓவர்தான்.
படத்தில் திடீரென்று ரமேஷ் அரவிந்த் வரவும், இவர் இருக்கிறாரா என்று நினைக்கும் போது, அடுத்து ரவிச்சந்திரன் வரவும், அட இவருமா என்று நினைக்கும் போதே, அட ஷில்பா ஷெட்டி, என்ன இவர்களை டம்மியாக வைத்திருக்கிறார்கள் என்று பார்த்தால், கடைசிக் காட்சியில் உண்மையிலேயே மிரண்டு போய் விட்டேன். எதிர்பாராத டிவிஸ்ட்.
சஞ்சய் தத்தை ஹிந்திப் பட இயக்குநர் கூட இத்தனை விரும்பி இருக்க மாட்டார். அத்தனை சிறப்பாகப் பயன்படுத்தியிருக்கிறார்கள்.
வன்முறை ஓவராகியும், தொடக்கம் முதல் இறுதிவரை செயற்கைத் தனமான செட்டிங்ஸ் மற்றும் ஒளிப்பதிவுடன் இருந்தும், யார் எப்போது எங்கே டான்ஸ் ஆடுவார்கள் என்று தெரியாமல் ஒருவித தினசாக ஒரு திரைப்பட அனுபவத்தைப் பார்க்க நினைத்தால்,டோண்ட் மிஸ்.
துருவா சர்ஜா மிரட்டல்.
இரண்டாம் பாகத்தில் சுதீப் வேறு. தியேட்டர் தாங்குமா எனத் தெரியவில்லை.
