இந்த ரீல்ஸ் வந்தாலும் வந்தது, நல்ல காட்சிகளை மட்டும் போட்டு நம்மை ஏமாற்றி விடுகிறார்கள். இரண்டு காட்சிகளை ரீல்ஸில் பார்த்துவிட்டு, “அடடா, இந்தப் படத்தை miss செய்துவிட்டோமே” என்று பார்த்தேன். அந்த ரீல்ஸின் கமெண்ட்டிலேயே பலர் ஆஹா ஓஹோ என்று சொல்லியிருக்க, இருவர் மட்டும் காறித் துப்பியிருந்தார்கள். அந்த இருவரை நம்பாமல், நிறையப் பேரை நம்பியதுதான் நான் செய்த தவறு.

படத்தின் தொடக்கத்திலேயே, “இதுதான் கதை” என்று லாஜிக்கே இல்லாத ஒரு விஷயத்தை நம்பச் சொல்கிறார்கள். சரி, மின்னல் முரளி போல யோசித்திருக்கிறார்கள் என நினைத்தேன். படத்திலும் அந்த அந்த reference-ம் அங்கங்கே வரத்தான் செய்தது. ஆனால் அந்த லாஜிக்கை அவர்கள் வசதிக்கு மாற்றிக்கொண்டார்கள். என்ன எளவுடா இது என்று பார்த்துக் கொண்டிருக்கும்போதே, அடுத்த ஒரு மணி நேரம் கொஞ்சம் விறுவிறுப்பாகவே இருந்தது. குறிப்பாக, ஷராஃபுதின் மற்றும் ஹீரோ சங்கீத பிரதாப்பின் நடிப்பு பிரமாதம். படம் மெல்ல காமெடியிலிருந்து மாறி, கொஞ்சம் serious tone-க்குள் போகவும் நிமிர்ந்து உட்கார்ந்தேன். அதுதான் நான் செய்த தவறு.

அதற்குப் பிறகு, அந்தப் படம் கடைசி ஒரு மணி நேரம் சாவடித்து விட்டது. நேரம் இருப்பவர்கள், பதைபதைக்க வைக்கும் சில காட்சிகளுக்காகவும் இரண்டு நடிகர்களின் நடிப்புக்காகவும் பார்க்கலாம். மற்றவர்கள் அந்தப் பக்கம் ஒதுங்கி விடாதீர்கள்.

The post Its a medical miracle first appeared on ஹரன் பிரசன்னா.

கதையே இல்லாமல் ஒரு திரைப்படத்தைத் திரைக்கதை மற்றும் வசனங்கள் மூலம் எந்த அளவுக்கு உயரத்துக்குக் கொண்டு போக முடியும் என்பதற்கு இந்தப் படம் ஓர் உதாரணம். திரைக்கதையும் கூட வெறும் ட்விஸ்ட் மேல் ட்விஸ்ட்தான். தனியாக ஆழமான திரைக்கதை என்றெல்லாம் எதுவுமே இல்லை. ஆனால், தேர்ந்தெடுத்து நடிகர்களை நடிக்க வைத்ததன் மூலமும், அடுத்தடுத்து ஒவ்வொரு காட்சியிலும் நம்மைப் புன்னகைக்க வைக்கும் பஞ்ச் வசனங்களைப் படம் நெடுகத் தெளித்துவிட்ட வகையிலும், நெல்சன் இந்தத் திரைப்படத்தை எங்கோ உச்சிக்குக் கொண்டு போய்விட்டார்.

இன்றைய காலத் திரைப்படங்களில் சென்டிமென்ட் எந்த அளவுக்கு இருக்க வேண்டும், எப்படி இருக்க வேண்டும் என்பதை நெல்சனிடம் இருந்து மற்ற இயக்குநர்கள் கற்றுக்கொள்ள வேண்டும். இடைவேளைக்குப் பிறகு வரும் அந்த நெஞ்சைத் தொடும் காட்சி உண்மையிலேயே அபாரம்.

இடைவேளை வரும் ஹியூமர் காட்சிகள் – படம் போனதே தெரியவில்லை. யார் யாரெல்லாமோ ரஜினியைத் திட்டுவதெல்லாம் அருமையோ அருமை.

ரஜினிக்கு வயதாகிவிட்டது என்பதால், அவரை எந்த அளவுக்குப் பயன்படுத்த வேண்டுமோ அந்த அளவுக்கு மட்டும் பயன்படுத்திவிட்டு, மற்ற நடிகர்களை வைத்தே ரஜினியின் ஸ்பேஸையும் கொண்டு வந்தது ஆச்சரியம். இனி ரஜினி திரைப்படங்களில் அடியாட்களாக மற்ற மொழி சூப்பர் ஸ்டார்கள் வருவார்கள் என்பது கிட்டத்தட்ட உறுதியாகிவிட்டது. அதிலும் சிவராஜ்குமார், மோகன்லால், ஹ்ரித்திக் ரோஷன் எல்லாம் இப்படி வருவது பார்க்கக் கொஞ்சம் பாவமாகத்தான் இருக்கிறது.

ஜெயிலர் பார்ட் 1-ஐப் போலவே, இடைவேளைக்குப் பிறகு பத்து நிமிடம் படம் கொஞ்சம் தொய்வடைந்ததும், சரி, அவ்வளவுதான் முடிந்தது என்று நினைத்தேன். ஆனால், எஸ்.ஜி.சூர்யா படத்தைத் தூக்கி நிறுத்திவிட்டார். அபாரமோ அபாரம்!

அதேபோல், கிளைமாக்ஸின் பத்து நிமிடக் காட்சி வழக்கமான ரஜினியின் கிளைமாக்ஸ் திரைப்படங்கள் போலவே இந்தப் படத்திலும் சரியாக வரவில்லை. ஆனால், அதெல்லாம் ஒரு விஷயமே இல்லை. தொடக்கம் முதல் இறுதி வரை ஒரு நொடி கூட விடாமல் படம் பட்டாசு. சாதாரணமாகவே இரண்டு முறை பார்க்கலாம். ரஜினி ரசிகர்கள் எத்தனை முறை வேண்டுமானாலும் பார்க்கலாம்.

லாஜிக் எதிர்பார்ப்பவர்கள் இந்தப் படத்தைப் பார்க்காமல் இருப்பது நல்லது எங்கெல்லாம் லாஜிக் இல்லையோ அங்கெல்லாம் அவர்களே டயலாகாக வைத்துத் திட்டிக்கொண்டு அடுத்த காட்சிக்குப் போய் விடுகிறார்கள். நீங்களே உங்கள கலாச்சிக்கிட்டா நாங்க எப்படி கலாய்க்கிறது மொமென்ட்.

படம் நெடுகிலும் பின்னணி இசை என்ற பெயரில் எதையாவது ஒலிக்கவிடாதீர்கள் என்று அனிருத்துக்கு யாரோ சொல்லியிருக்கிறார்கள் போல. மிகவும் அடக்கி வாசித்திருக்கிறார். தேவையான இடங்களில் கலக்கிவிட்டார். பல இடங்களில் மௌனமாகவும் இருந்திருக்கிறார்.

ஒட்டுமொத்தமாக, கதையே இல்லாமல் வசனங்களுக்காகவே இந்தத் திரைப்படத்தைப் பார்க்க வேண்டும். படத்தின் ஹீரோ வசனம் எழுதியவர்தான். அதிலும் அந்த ஹ்யூமர் நோ சான்ஸ். படம் தொடக்கம் முதல் இறுதி வரை இப்படி மனம் விட்டு ஒரு தமிழ்ப் படத்தை பார்த்து நாளாகிவிட்டது. அதிலும் அனைத்து நடிகர்களும் கலக்கி விட்டார்கள்.

The post Jailer 2 first appeared on ஹரன் பிரசன்னா.

அச்சு அசல் த்ரிஷ்யம். அதே போன்ற படமாக்கல். அதே போன்ற செண்டிமெண்ட். அதே போன்ற க்ளைமாக்ஸ். ஆனால் தொடக்கம் முதல் இறுதி வரை திக்திக் மற்றும் டிவிஸ்ட் மேல் டிவிஸ்ட். ஒவ்வொரு காட்சியும் நுணுக்கம். ஒவ்வொன்றுக்கும் முன் பின் தொடர்ச்சிகள். எனக்குத் தெரிந்து ப்ரதம த்ருஷ்ய குற்றக்காரும் மூன்று, நான்கு பாகங்கள் வந்தால் ஆச்சரியப்படுவதற்கில்லை.

ஒரு படத்தில் இப்படியா அத்தனை நடிகர்களும் நன்றாக நடிப்பார்கள்? மலையாளத் திரையுலகம் தன் திறமை மிகுந்த நடிகர்களாலும், கதைக்காக உழைக்கும் திரைக்கதையாசியர்களாலும், சிறப்பாக இயக்க நினைக்கும் இயக்குநர்களாலும் எங்கோ போய்க்கொண்டிருக்கிறது. ஒரே நேரத்தில் பொறாமையாகவும் இருக்கிறது, பெருமையாகவும் இருக்கிறது.

The post Prathama Drishtya Kuttakkar first appeared on ஹரன் பிரசன்னா.

நான் மிக மோசமாக இருக்கும் என்று நினைத்திருந்தேன். அத்தனை மோசமில்லை.

நான் சொல்வது உங்களுக்கு அதிர்ச்சியாக இருக்கலாம். சில 18+ வசனங்களையும் தாண்டி, இது ஒரு நல்ல குடும்பப் படம்தான்.

ஆனால், படத்தில் சில பிரச்சினைகள் இருக்கின்றன.

முதலாவது, சூர்யாவுக்கு நடிக்கவே வரவில்லை. சிவகுமாருக்குப் போட்டியாக எல்லாக் காட்சிகளிலும் உம்மென்று இருக்கிறார்.

இரண்டாவது, மம்தா பைஜு. நிகரற்ற அழகு. க்யூட். சமந்தாவுக்கு அடுத்து தமிழ் சினிமா கண்டிருக்கும் மிகச் சிறந்த அழகிகளில் ஒருவர். மலையாளப் படங்களில் பட்டையைக் கிளப்பிக் கொண்டிருக்கும் அவரைத் தமிழில் இப்படி ஓவராக்ட் பண்ண வைத்திருப்பது பெரிய கொடுமை. அவர் இதில் மிகக் கவனமாக இருக்க வேண்டும். இல்லையென்றால், தமிழ்த் திரையுலகம் அவரைப் பாழாக்கிவிடும்.

மூன்றாவது, ராதிகா மண்டையைப் போட்ட பிறகு வரும் காட்சிகள் அனைத்துமே படு அபத்தம். ஏன்டா இந்தத் திரைப்படத்தைப் பார்க்கிறோம் என்ற எரிச்சலே வந்துவிடுகிறது. டப்பிங் படம்‌ பார்ப்பது போன்ற பிரமை.

ஆனால், ஒட்டுமொத்தமாக ஒரு இந்தித் திரைப்படம் பார்ப்பதைப் போன்ற ஃபீலைக் கொண்டு வந்துவிட்டார்கள்.‌‌அத்தனை ரிச்நெஸ்.

சூர்யாவுக்குப் பதிலாக வேறு ஒருவர் நடித்திருந்தால், படம் இன்னும் நன்றாக இருந்திருக்கும்.

ஆனால், படத்தில் பாராட்டப்பட வேண்டிய ஒரு விஷயம் இருக்கிறது. இறுதியில் இருவரும் சேர்ந்துவிட்டார்கள் என்று காட்டி வயித்தெரிச்சலைக் கொட்டாமல், மிக டீசன்ட்டாக – ரொம்பவும் இழுத்துச் சாவடித்து – முடித்திருக்கிறார்கள்.

ஓரளவு பார்க்கக்கூடிய ஒரு திரைப்படம்தான் இது.

The post Viswanathan And Sons first appeared on ஹரன் பிரசன்னா.

அதேபோல், இன்னொரு திரைப்படம் ‘கோதி பன்னா சாதாரண மைக்கட்டு’ என்ற கன்னடத் திரைப்படம். (தமிழில் 60 வயது மாநிறம் – இதை நான் பார்க்கவில்லை) படத்தின் மூலக்கதை காதலுடன் தொடர்புடையதல்ல. ஆனால், அந்தப் படத்தில் ரக்ஷித் ஷெட்டியும் அவர் காதலிக்கும் பெண்ணும் கல்யாணம் செய்துகொள்ள வேண்டும் என்று மனதாரத் தோன்றிவிட்டது.

அதேபோல், குறிப்பிட்டுச் சொல்ல வேண்டிய இன்னொரு மலையாளத் திரைப்படம் ‘ஒழிமுறி’. படத்தின் மூலக்கதை வேறு என்றாலும், அந்தப் படத்தில் அவர்கள் இருவரும் திருமணம் செய்துகொள்ள வேண்டும் என்கிற எண்ணம் தோன்றியது.

இப்போது ‘பெத்லகேம் குடும்ப யூனிட்’ அந்த எண்ணத்தை வலுவாக விதைத்தது. அத்தனை அழகாக, ரசித்து ரசித்துப் படத்தை எடுத்திருக்கிறார்கள். அப்பட்டமான எளிமைதான் பிரம்மாண்டத்தின் உச்சம் என்பதை வலுவாக நிரூபித்திருக்கிறார்கள் மலையாளிகள். ஒட்டுமொத்த மலையாளத் திரையுலகமும் கேரளமும் இந்தப் படத்தைக் கொண்டாடியதில் ஆச்சரியமே இல்லை.

சிறிய சிறிய காட்சிகள் கூடக் கண்ணை விலக விடாமல் சுவாரஸ்யமாக இருந்தன. படத்தின் தொடக்கக் காட்சி முதல் இறுதிக் காட்சி வரை எந்தக் காட்சியையும் விட்டுவிடவே தோன்றவில்லை. ஃபீல் குட், மீண்டும் ஃபீல் குட், பிறகும் ஃபீல் குட் என்று பார்த்து பார்த்து அமைத்திருக்கிறார்கள். லேசாகச் சோகமான காட்சி வந்துவிட்டால்கூட, அடுத்த காட்சியிலேயே அனைவரையும் புன்னகைக்க வைக்க வேண்டும் என்ற முடிவுடன் படத்துக்குத் திரைக்கதை எழுதியிருக்கிறார்கள். கோவா காட்சிகள் அதில் உச்சம்.

கிளைமாக்ஸ் காதலுக்கு மரியாதையை நினைவூட்டியது. அதேபோன்ற மிக எளிமையான கிளைமாக்ஸ்.

மமிதா பைஜு அசத்துகிறார். அவர் முகம் வாடினால் நமக்கும் மனது வாடி போய் விடுகிறது அவர் சந்தோஷமாக இருந்தால் அப்படியே வைப் அள்ளிக் கொள்கிறது. நிவின் பாலியின் அலட்டல் இல்லாத யதார்த்தமான நடிப்பும் அவரது முக பாவமும் படத்தை எங்கேயோ கொண்டு போய் விட்டன. எத்தனை எத்தனை இளைஞர்கள் நடிக்கிறார்கள்! அத்தனை பேரும், ஒவ்வொரு கதாபாத்திரமும் அசத்தி விட்டார்கள். படம் முழுக்க இளமை கொப்பளிக்கிறது.

வழக்கம்போலப் படம் முழுக்க முழுக்கக் கிறிஸ்தவ மயம். கிறிஸ்தவப் பையன்கள் இந்துப் பெண்ணைக் காதலிக்கிறார்கள். ஆனால், கேரளத்தில் என்ன வேண்டுமானாலும் எடுப்பார்கள் என்பதால் தமிழைப் போலப் பயப்பட வேண்டியதில்லை. அதே சமயம் கேரளத் திரையுலகம் முழுமையாகக் கிறிஸ்தவமயமாகிவிட்டது என்பதை மறுக்கவும் முடியாது.

அதேபோல் குடிப்பதை நார்மல் செய்து அதுவும் போதாமல் குடிக்காவிட்டால் தவறு என்ற அளவுக்குத் திரைப்படங்கள் வர ஆரம்பித்தது விட்டன. இந்த படமும் அதில் ஒன்று. ஒரே ஒரு ஆறுதல் ஹீரோ காதலுக்காகக் குடியை நிறுத்துவது மட்டும்தான். ஆனால் பெண்கள் குடிப்பது தவறே இல்லை என்பது போன்ற காட்சிகள் அனைத்துப் படங்களிலும் வரத் தொடங்கிவிட்டன, இந்த படத்திலும்.

The post Bethlahem kudumba unit first appeared on ஹரன் பிரசன்னா.

படத்தின் முதல் பாதி படுவேகம் மற்றும் சுவாரஸ்யம். அங்கங்கே புன்னகை, ஆச்சரியம் என கலந்தடித்து அசத்தி விட்டார்கள். தமிழில் இப்படி ஒரு திரைப்படமா என்று தோன்றியது. கிட்டத்தட்ட நடுவுல கொஞ்சம் பக்கத்தை காணோம் படத்தை பார்க்கும் போது ஏற்பட்ட அதே அனுபவம்.

ஆனால், இரண்டாம் பாதி ஒரே இடத்தில் நின்று, மிக நீண்ட கிளைமாக்ஸாகிப் பொறுமையைச் சோதித்து விட்டது. அதுவும் இறுதிக் காட்சிகள் எல்லாம் இப்படித்தான் நடக்கப் போகிறது என்று தெரிந்த பின்பு பார்ப்பது பெரும் அவஸ்தையாகிவிட்டது.

படத்தில் பெண்கள் வரும் காட்சிகள் அனைத்துமே மிகச் சிறப்பு. உண்மையில், படத்திற்கு மகுடம் அவைதான்.
இதற்கு நேர்மாறாக, ஆண்கள் வரும் காட்சிகள் ஒரேபோல் இருந்து, நம்பகத்தன்மை இல்லாமல் பெரிய தொய்வை ஏற்படுத்திவிட்டன.

ஜாதி ரீதியான காட்சிகள் இந்தப் படத்தில் தேவையே இல்லாமல் திணிக்கப்பட்ட உணர்வு. அப்படி எதுவும் சமூகத்தில் நடக்கவில்லை என்று சொல்லவில்லை, நிச்சயம் நடக்கிறது, ஆனால் இந்தப் படத்துக்கு அது கொஞ்சம் அந்நியமாகத் தான் இருந்தது.

படத்தின் கதாநாயகன் ஜாதியால் பாதிக்கப்படுகிறான் என்றாலும், அதற்காகப் படத்துடன் தொடர்பே இல்லாமல் இன்னொரு ஜோடியை வைத்து வேண்டுமென்றே ஜாதிக் காட்சிகளைத் திணித்ததைத் தவிர்த்திருக்கலாம்.

ரிஷிகாந்தின் நடிப்பு மிக அருமை. கதாநாயகி – ஒரே அழுவாச்சி!

பல வசனங்கள் சுத்தமாகப் புரியவில்லை. திருநெல்வேலிக்காரர்கள் வேகமாகப் பேசுவார்கள்தான். அதற்காக இப்படிப் புரியாமலேயே பேசுவார்கள் என்பதில்லை. ஒரு கட்டத்தில் பொறுமை இழந்து போய் சப்டைட்டில் வைத்துப் பார்த்தேன். ச்சே!

இயக்குநர் நானும் உங்களில் ஒருவன்தான் என்று ஜாதி எதிர்ப்பு இயக்குநர்களுக்குக் கோடு காட்டி இருக்கிறார் என நினைக்கிறேன். இவரது அடுத்தடுத்த படைப்புகள் இதே பாதையில்தான் இருக்கும் என்பது உறுதி.

The post Motha Rathiri first appeared on ஹரன் பிரசன்னா.

Spoiler ahead.

படத்தில் கதாநாயகி காணாமல் போய் பத்திரமாக வீட்டுக்கு வந்து விட, என்ன எழவுடா இது திரைக்கதை என்று எரிச்சலுடன் பார்த்துக் கொண்டிருந்தால், யூ அவேக் என்று யாரோ ஹை டெசிபிலில் காதில் கத்த, எப்போது தூங்கினேன் என்றே தெரியாமல் அதிர்ச்சியில் கண் முழித்துப் பார்த்தால், ஹாஃப் ஒயிட்டில் மோகன்லால் ஏதோ எந்திரி என்று சொல்லிக் கொண்டிருந்தார். அடடா மோகன்லால் வந்துவிட்டார் என்று பார்த்தால் அடுத்த 20 நிமிடத்தில் படம் முடிந்து விட்டது‌ என்ன கொடுமை பண்ணி வைத்திருக்கிறார்கள் பாருங்கள். விஸ்மயா மோகன்லாலின் முதல் திரைப்படம் என்பதற்காக துடக்கம் என்று வைத்திருக்கிறார்கள் போல‌ அதற்காக இப்படித் தற்காப்புக் கலையெல்லாம் சொல்லித் தருவேன் என்பதெல்லாம் ஒரு கதையா? அதுவும் மோகனாலும் விஸ்மயாவும்! விளங்குமா? ஜெய ஜெய ஹோவில் மனைவியைக் கணவன் மிதிக்கவும், அதை இந்தியாவே கொண்டாடவும், அப்படிக் கொண்டாடுவார்கள் என நினைத்து விட்டார்கள். மிடில.

தூக்கம் வரவில்லை என்றால் பலமாகச் சிபாரிசு செய்கிறேன். பாதிக்குப் பிறகு தூக்கம் உறுதி.

The post Thudakkam first appeared on ஹரன் பிரசன்னா.

The post Unmadham first appeared on ஹரன் பிரசன்னா.