மூக்குத்தி அம்மன் பல வகைகளில் சாதனைப் படம். முதல் சாதனை தமிழில் வெளிவந்த பல மோசமான திரைப்படங்களையும் விஞ்சிவிடுமோ என்று தோன்ற வைக்கும் ஒரு படம். இன்னொரு சாதனை, தமிழ் சீரியல்களில் கவனிக்கும் அளவுக்குக் கூட லாஜிக்கையும் தொடர்ச்சியையும் கவனிக்காத, பொருட்படுத்தாத படம். இந்துக்களை, இந்து பக்தர்களை, போலி பக்தர்கள் அனைவரையும் ஒரே தட்டில் கேவலப்படுத்தும் ஒரு படம். அப்படி கேவலப்படுத்துவதை வரவேற்கும் ஈவெராயிஸ்ட்டுகளையும் அதற்கு இணையாகக் கேவலப்படுத்தும் படம். டைரக்ஷன் கதை திரைக்கதை வசனம் என எல்லாவற்றிலும் இத்தனை மட்டமான ஒரு படம் சமீபத்தில் வந்தது இல்லை என்னும் அளவுக்கான சாதனை இப்படம்.
மிக முக்கியமான ஹிந்தித் திரைப்படங்களான ஓமைகாட் போலவோ பிகே போலவோ எடுத்து விடுவார்களோ என்று இருந்த 1% பயத்தையும் இந்தப் படம் முறியடித்து இருப்பதோடு, தமிழில் அது போன்ற படங்கள் நிகழ வாய்ப்பே இல்லை என்ற நிம்மதியையும் தந்திருக்கும் சாதனைத் திரைப்படம்.
சுருக்கமாகச் சொல்ல வேண்டுமானால், ஆர் ஜே பாலாஜியின் கிரிக்கட் வர்ணனைகளை விட மோசமான திரைப்படம்.
விமர்சனம் என்று ஒன்றை இத்திரைப்படத்துக்கு எழுதினால், விமர்சனம் என்ற சொல் தானே நாண்டுகொண்டு தொங்கிவிடும். டாட்.
